Tip:
Highlight text to annotate it
X
Badshagoni Iftikhar Arif, Islamabad
ajab ghari thi
kitab keechar main gir pari thi
chamakte lafzon ki maili aankhon main uljhe aanson bula rahe the
magar mujhe hosh hi kahan tha
nazar main ik aur hi jahan tha
naye naye manzaron ki khwahish main apne manzar se kat gaya hoon
naye naye dairon ki gardish main apne mahvar se hat gaya hoon
sila, jaza, khauf, naumeedi
umeed, imkan, beyaqeeni
hazaar khaanon main bat gaya hoon
sila, jaza, khauf, naumeedi
umeed, imkan, beyaqeeni
hazaar khaanon main bat gaya hoon
ab is se pehle ke raat apni kamand daale yeh chahta hoon ke laut jaaon
ajab nahi vo kitab ab bhi vaheen pari ho
ajab nahin aaj bhi miri rah dekhti ho
ajab nahi vo kitab ab bhi vaheen pari ho
ajab nahin aaj bhi miri rah dekhti ho
chamakte lafzon ki maili aankhon main uljhe aanson
hava-o-hirs-o-havas ki sab gard saaf kar dain
ajab nahi meray lafz mujh ko maaf kar dain
ajab ghari thi
kitab keechar main gir pari thi